Aan de Kempkensberg is een enorm gebouw verrezen, waarin 2600 mensen gaan werken. Door de vorm noemt men het gebouw in de volksmond ‘het Cruiseschip’.

De Meyerwerf in Papenburgbaauwt haile grote schepen.
Dat doun wie ook, zeden ze in Grunnen.
Toun gingen ze spullen aanslepen.

Doarvan hebben ze ain cruiseschip baauwd,
het ligt op vaaste grond.
Dus zeezaik worden is d’r nait bie,
al voart men de wereld rond.

En woar je din ook hìn goan voaren,
vanof dat grote schip
zain j’ aaltied de Martinitoren,
en nooit lopen je op ’n klip.

Het ainigste gevoar wat draaigt,
dat is ain grote rots.
Dat ding het veul mit gas te moaken,
kiek oet, het is ’n knots.

Je huiven joe echt nait te vervelen
op dizze megaboot.
Want elkenain dij d’r op wil voaren,
mout waarken veur zien brood.

Willy Walters.

Tekening: Angelique Boter